[๘๗๐] วิปากธมฺมธมฺมํ สรณํ ธมฺมํ ปฏิจฺจ วิปากธมฺมธมฺโม สรโณ ธมฺโม อุปฺปชฺชติ เหตุปจฺจยา: ฯ

[๘๗๑] เหตุยา เอกํ อวิคเต เอกํ ฯ สหชาตวาเรปิ ปญฺหาวาเรปิ สพฺพตฺถ เอกํ ฯ

[๘๗๒] วิปากํ อรณํ ธมฺมํ ปฏิจฺจ วิปาโก อรโณ ธมฺโม อุปฺปชฺชติ เหตุปจฺจยา: ตีณิ ฯ วิปากธมฺมธมฺมํ อรณํ ธมฺมํ ปฏิจฺจ วิปากธมฺมธมฺโม อรโณ ธมฺโม อุปฺปชฺชติ เหตุปจฺจยา: ตีณิ ฯ เนววิปากนวิปากธมฺมธมฺมํ อรณํ ธมฺมํ ปฏิจฺจ เนววิปากนวิปาก- ธมฺมธมฺโม อรโณ ธมฺโม อุปฺปชฺชติ เหตุปจฺจยา: ตีณิ ฯ วิปากํ อรณญฺจ เนววิปากนวิปากธมฺมธมฺมํ อรณญฺจ ธมฺมํ ปฏิจฺจ วิปาโก อรโณ ธมฺโม อุปฺปชฺชติ เหตุปจฺจยา: ตีณิ ฯ วิปากธมฺมธมฺมํ อรณญฺจ เนววิปากนวิปากธมฺมธมฺมํ อรณญฺจ ธมฺมํ ปฏิจฺจ เนววิปากนวิปากธมฺมธมฺโม อรโณ ธมฺโม อุปฺปชฺชติ เหตุปจฺจยา: ฯ

[๘๗๓] เหตุยา เตรส อารมฺมเณ ปญฺจ อวิคเต เตรส ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ