[๔๐] กุสลํ สวิตกฺกสวิจารํ ธมฺมํ ปฏิจฺจ กุสโล สวิตกฺกสวิจาโร ธมฺโม อุปฺปชฺชติ เหตุปจฺจยา: ฯ อกุสลํ สวิตกฺกสวิจารํ ธมฺมํ ปฏิจฺจ อกุสโล สวิตกฺกสวิจาโร ธมฺโม อุปฺปชฺชติ เหตุปจฺจยา: ฯ อพฺยากตํ สวิตกฺกสวิจารํ ธมฺมํ ปฏิจฺจ อพฺยากโต สวิตกฺกสวิจาโร ธมฺโม อุปฺปชฺชติ เหตุปจฺจยา: ฯ

[๔๑] เหตุยา ตีณิ อารมฺมเณ ตีณิ อวิคเต ตีณิ ฯ สหชาตวารมฺปิ สมฺปยุตฺตวารมฺปิ ปฏิจฺจวารสทิสํ ฯ

[๔๒] กุสโล สวิตกฺกสวิจาโร ธมฺโม กุสลสฺส สวิตกฺกสวิจารสฺส ธมฺมสฺส เหตุปจฺจเยน ปจฺจโย: ฯ อกุสโล สวิตกฺกสวิจาโร ธมฺโม อกุสลสฺส สวิตกฺกสวิจารสฺส ธมฺมสฺส เหตุปจฺจเยน ปจฺจโย: ฯ อพฺยากโต สวิตกฺกสวิจาโร ธมฺโม อพฺยากตสฺส สวิตกฺกสวิจารสฺส ธมฺมสฺส เหตุปจฺจเยน ปจฺจโย: ฯ

[๔๓] เหตุยา ตีณิ อารมฺมเณ นว อวิคเต ตีณิ ฯ ยถา กุสลตฺติเก ปญฺหาวารํ เอวํ วิตฺถาเรตพฺพํ ฯ