[๑๐๕๒] เหตุยา เอกํ อารมฺมเณ เอกํ สพฺพตฺถ เอกํ อวิคเต เอกํ ฯ เหตุปจฺจโย นตฺถิ ฯ ปญฺหาวาเรปิ สพฺพตฺถ เอกํ ฯ ปญฺหาวาเรปิ อิเมสํ ติณฺณํ เหตุปจฺจโย นตฺถิ ฯ ______________ ปฏิจฺจวาโร
[๑๐๕๓] นเหตุํ สเหตุกํ อพฺยากตํ ธมฺมํ ปฏิจฺจ นเหตุ สเหตุโก อพฺยากโต ธมฺโม อุปฺปชฺชติ เหตุปจฺจยา: นเหตุํ สเหตุกํ อพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ เหตุปจฺจยา: นเหตุํ สเหตุกํ อพฺยากตํ ธมฺมํ ปฏิจฺจ นเหตุ สเหตุโก อพฺยากโต จ นเหตุ อเหตุโก อพฺยากโต จ ธมฺมา อุปฺปชฺชนฺติ เหตุปจฺจยา: ฯ นเหตุํ อเหตุกํ อพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ เหตุปจฺจยา: ตีณิ ฯ นเหตุํ สเหตุกํ อพฺยากตญฺจ นเหตุํ อเหตุกํ อพฺยากตญฺจ ธมฺมํ ปฏิจฺจ นเหตุ สเหตุโก อพฺยากโต ธมฺโม อุปฺปชฺชติ เหตุปจฺจยา: ตีณิ ฯ
[๑๐๕๔] เหตุยา นว อารมฺมเณ จตฺตาริ อธิปติยา ปญฺจ กมฺเม นว วิปาเก นว อวิคเต นว ฯ
[๑๐๕๕] นเหตุํ อเหตุกํ อพฺยากตํ ธมฺมํ ปฏิจฺจ นเหตุ อเหตุโก อพฺยากโต ธมฺโม อุปฺปชฺชติ นเหตุปจฺจยา: ฯ