[๑๔๔๖] เหตุยา ตีณิ อารมฺมเณ นว ฯ อธิปติยา นว: อาทิมฺหิ ตีณิ สหชาตาธิปติ มชฺฌเลสุ ตีสุ มชฺฌโลมิกาเยว ปญฺหา สหชาตาธิปติ ฯ อนนฺตเร นว ฯเปฯ สหชาเต ปญฺจ อุปนิสฺสเย นว อาเสวเน นว กมฺเม ตีณิ อาหาเร ปญฺจ อินฺทฺริเย ปญฺจ ฌาเน ตีณิ มคฺเค ตีณิ สมฺปยุตฺเต ปญฺจ อตฺถิยา ปญฺจ นตฺถิยา นว ฯ ______________q ปฏิจฺจวาโร

[๑๔๔๗] เจตสิกํ อกุสลํ ธมฺมํ ปฏิจฺจ เจตสิโก อกุสโล ธมฺโม อุปฺปชฺชติ เหตุปจฺจยา: เจตสิกํ อกุสลํ ธมฺมํ ปฏิจฺจ อเจตสิโก อกุสโล ธมฺโม อุปฺปชฺชติ เหตุปจฺจยา: เจตสิกํ อกุสลํ ธมฺมํ ปฏิจฺจ เจตสิโก อกุสโล จ อเจตสิโก อกุสโล จ ธมฺมา อุปฺปชฺชนฺติ เหตุปจฺจยา: ฯ อเจตสิกํ อกุสลํ ธมฺมํ ปฏิจฺจ เจตสิโก อกุสโล ธมฺโม อุปฺปชฺชติ เหตุปจฺจยา: ฯ เจตสิกํ อกุสลญฺจ อเจตสิกํ อกุสลญฺจ ธมฺมํ ปฏิจฺจ เจตสิโก อกุสโล ธมฺโม อุปฺปชฺชติ เหตุปจฺจยา:

[๑๔๔๘] เหตุยา ปญฺจ อารมฺมเณ ปญฺจ อวิคเต ปญฺจ ฯ ยถา กุสลนยํ เอวํ นเหตุปจฺจยมฺปิ กาตพฺพํ ฯ สหชาตวาโรปิ ปญฺหาวาโรปิ วิตฺถาเรตพฺพา ฯ ______________ ปฏิจฺจวาโร

[๑๔๔๙] เจตสิกํ อพฺยากตํ ธมฺมํ ปฏิจฺจ เจตสิโก อพฺยากโต ธมฺโม อุปฺปชฺชติ เหตุปจฺจยา: เจตสิกํ อพฺยากตํ ธมฺมํ ปฏิจฺจ อเจตสิโก อพฺยากโต ธมฺโม อุปฺปชฺชติ เหตุปจฺจยา: เจตสิกํ อพฺยากตํ ธมฺมํ ปฏิจฺจ เจตสิโก อพฺยากโต จ อเจตสิโก อพฺยากโต จ ธมฺมา อุปฺปชฺชนฺติ เหตุปจฺจยา: ฯ อเจตสิกํ อพฺยากตํ ธมฺมํ ปฏิจฺจ อเจตสิโก อพฺยากโต ธมฺโม อุปฺปชฺชติ เหตุปจฺจยา: ตีณิ ฯ เจตสิกํ อพฺยากตญฺจ อเจตสิกํ อพฺยากตญฺจ ธมฺมํ ปฏิจฺจ เจตสิโก อพฺยากโต ธมฺโม อุปฺปชฺชติ เหตุปจฺจยา: ตีณิ ฯ