[๑๔๕๘] จิตฺตสมฺปยุตฺตํ อพฺยากตํ ธมฺมํ ปฏิจฺจ จิตฺตสมฺปยุตฺโต อพฺยากโต ธมฺโม อุปฺปชฺชติ เหตุปจฺจยา: จิตฺตสมฺปยุตฺตํ อพฺยากตํ ธมฺมํ ปฏิจฺจ จิตฺตวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา: จิตฺตสมฺปยุตฺตํ อพฺยากตํ ธมฺมํ ปฏิจฺจ จิตฺตสมฺปยุตฺโต อพฺยากโต จ จิตฺตวิปฺปยุตฺโต อพฺยากโต จ ธมฺมา อุปฺปชฺชนฺติ เหตุปจฺจยา: ฯ จิตฺตวิปฺปยุตฺตํ อพฺยากตํ ธมฺมํ ปฏิจฺจ จิตฺตวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา: จิตฺตวิปฺปยุตฺตํ อพฺยากตํ ธมฺมํ ปฏิจฺจ จิตฺตสมฺปยุตฺโต อพฺยากโต ธมฺโม อุปฺปชฺชติ เหตุปจฺจยา: จิตฺตวิปฺปยุตฺตํ อพฺยากตํ ธมฺมํ ปฏิจฺจ จิตฺตสมฺปยุตฺโต อพฺยากโต จ จิตฺตวิปฺปยุตฺโต อพฺยากโต จ ธมฺมา อุปฺปชฺชนฺติ เหตุปจฺจยา: ฯ จิตฺตสมฺปยุตฺตํ อพฺยากตญฺจ จิตฺตวิปฺปยุตฺตํ อพฺยากตญฺจ ธมฺมํ ปฏิจฺจ จิตฺตสมฺปยุตฺโต อพฺยากโต ธมฺโม อุปฺปชฺชติ เหตุปจฺจยา: จิตฺตสมฺปยุตฺตํ อพฺยากตญฺจ จิตฺตวิปฺปยุตฺตํ อพฺยากตญฺจ ธมฺมํ ปฏิจฺจ จิตฺตวิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา: จิตฺตสมฺปยุตฺตํ อพฺยากตญฺจ จิตฺตวิปฺปยุตฺตํ อพฺยากตญฺจ ธมฺมํ ปฏิจฺจ จิตฺตสมฺปยุตฺโต อพฺยากโต จ จิตฺตวิปฺปยุตฺโต อพฺยากโต จ ธมฺมา อุปฺปชฺชนฺติ เหตุปจฺจยา: ฯ
[๑๔๕๙] เหตุยา นว อารมฺมเณ ตีณิ อธิปติยา ปญฺจ อญฺญมญฺเญ ฉ ปุเรชาเต เอกํ อาเสวเน เอกํ กมฺเม นว วิปาเก นว อวิคเต นว ฯ
[๑๔๖๐] นเหตุยา นว นอารมฺมเณ ตีณิ นอธิปติยา นว ฯเปฯ นปุเรชาเต นว ฯเปฯ นกมฺเม เทฺว นวิปาเก ปญฺจ นอาหาเร เอกํ นอินฺทฺริเย เอกํ นฌาเน เทฺว นมคฺเค นว นสมฺปยุตฺเต ตีณิ นวิปฺปยุตฺเต เทฺว ฯเปฯ สหชาตวาราทิ วิตฺถาเรตพฺพํ ฯ ปญฺหาวาโร
[๑๔๖๑] จิตฺตสมฺปยุตฺโต อพฺยากโต ธมฺโม จิตฺตสมฺปยุตฺตสฺส อพฺยากตสฺส ธมฺมสฺส เหตุปจฺจเยน ปจฺจโย: ตีณิ ฯ