[๕๘] วิปากํ เหตุํ ธมฺมํ ปฏิจฺจ วิปาโก เหตุ ธมฺโม อุปฺปชฺชติ เหตุปจฺจยา: ฯ วิปากธมฺมธมฺมํ เหตุํ ธมฺมํ ปฏิจฺจ วิปากธมฺมธมฺโม เหตุ ธมฺโม อุปฺปชฺชติ เหตุปจฺจยา: ฯ เนววิปากนวิปากธมฺมธมฺมํ เหตุํ ธมฺมํ ปฏิจฺจ เนววิปากนวิปากธมฺมธมฺโม เหตุ ธมฺโม อุปฺปชฺชติ เหตุปจฺจยา: ฯ

[๕๙] เหตุยา ตีณิ อารมฺมเณ ตีณิ อาเสวเน เทฺว กมฺเม ตีณิ วิปาเก เอกํ อวิคเต ตีณิ ฯ

[๖๐] นอธิปติยา ตีณิ นปุเรชาเต ตีณิ นปจฺฉาชาเต ตีณิ นอาเสวเน ตีณิ นวิปาเก เทฺว นวิปฺปยุตฺเต ตีณิ ฯ สหชาตวาโรปิ สมฺปยุตฺตวาโร ปฏิจฺจวารสทิสา วิตฺถาเรตพฺพา ฯ

[๖๑] วิปาโก เหตุ ธมฺโม วิปากสฺส เหตุสฺส ธมฺมสฺส เหตุปจฺจเยน ปจฺจโย: ฯ วิปากธมฺมธมฺโม เหตุ ธมฺโม วิปากธมฺมธมฺมสฺส เหตุสฺส ธมฺมสฺส เหตุปจฺจเยน ปจฺจโย: ฯ เนววิปากนวิปากธมฺมธมฺโม เหตุ ธมฺโม เนววิปากนวิปากธมฺมธมฺมสฺส เหตุสฺส ธมฺมสฺส เหตุปจฺจเยน ปจฺจโย: ฯ