[๑๓๙] นเหตุปจฺจยา อารมฺมเณ จุทฺทส ฯ สหชาตวาโรปิ สมฺปยุตฺตวาโรปิ วิตฺถาเรตพฺพา ฯ

[๑๔๐] สวิตกฺกสวิจาโร นเหตุ ธมฺโม สวิตกฺกสวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: สวิตกฺกสวิจาโร นเหตุ ธมฺโม อวิตกฺกวิจารมตฺตสฺส นเหตุสฺส ธมฺมสฺส อารมฺมณปจฺจเยน ปจฺจโย: สวิตกฺกสวิจาโร นเหตุ ธมฺโม อวิตกฺกอวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: จตฺตาริ ฯ อวิตกฺกวิจารมตฺโต นเหตุ ธมฺโม อวิตกฺกวิจารมตฺตสฺส นเหตุสฺส ธมฺมสฺส อารมฺมณปจฺจเยน ปจฺจโย: อวิตกฺกวิจารมตฺโต นเหตุ ธมฺโม สวิตกฺกสวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: อวิตกฺกวิจารมตฺโต นเหตุ ธมฺโม อวิตกฺกอวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: จตฺตาริ ฯ อวิตกฺกอวิจาโร นเหตุ ธมฺโม อวิตกฺกอวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: อวิตกฺกอวิจาโร นเหตุ ธมฺโม สวิตกฺกสวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: อวิตกฺกอวิจาโร นเหตุ ธมฺโม อวิตกฺกวิจารมตฺตสฺส นเหตุสฺส ธมฺมสฺส อารมฺมณปจฺจเยน ปจฺจโย: ปญฺจ ฯ อวิตกฺกวิจารมตฺโต นเหตุ จ อวิตกฺกอวิจาโร นเหตุ จ ธมฺมา สวิตกฺกสวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: อวิตกฺกวิจารมตฺโต นเหตุ จ อวิตกฺกอวิจาโร นเหตุ จ ธมฺมา อวิตกฺกวิจารมตฺตสฺส นเหตุสฺส ธมฺมสฺส อารมฺมณปจฺจเยน ปจฺจโย: อวิตกฺกวิจารมตฺโต นเหตุ จ อวิตกฺกอวิจาโร นเหตุ จ ธมฺมา อวิตกฺกอวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: จตฺตาริ ฯ สวิตกฺกสวิจาโร นเหตุ จ อวิตกฺกวิจารมตฺโต นเหตุ จ ธมฺมา สวิตกฺกสวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: สวิตกฺกสวิจาโร นเหตุ จ อวิตกฺกวิจารมตฺโต นเหตุ จ ธมฺมา อวิตกฺกวิจารมตฺตสฺส นเหตุสฺส ธมฺมสฺส อารมฺมณปจฺจเยน ปจฺจโย: สวิตกฺกสวิจาโร นเหตุ จ อวิตกฺกวิจารมตฺโต นเหตุ จ ธมฺมา อวิตกฺกอวิจารสฺส นเหตุสฺส ธมฺมสฺส อารมฺมณปจฺจเยน ปจฺจโย: จตฺตาริ ฯ