[๑๕๖] เหตุปจฺจยา นอารมฺมเณ ทส ฯ

[๑๕๗] นเหตุปจฺจยา อารมฺมเณ โสฬส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ

[๑๕๘] ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยา: ปีติสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยา: ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยา: ฯ สุขสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยา: สุขสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยา: สุขสหคตํ นเหตุํ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยา: ฯ อุเปกฺขาสหคตํ นเหตุํ ธมฺมํ ปฏิจฺจ อุเปกฺขาสหคโต นเหตุ ธมฺโม อุปฺปชฺชติ เหตุปจฺจยา: ฯ ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ เหตุปจฺจยา: ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ เหตุปจฺจยา: ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ จ สุขสหคโต นเหตุ จ ธมฺมา อุปฺปชฺชนฺติ เหตุปจฺจยา: ฯ

[๑๕๙] ปีติสหคตํ นเหตุํ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ อารมฺมณปจฺจยา: ตีณิ ฯ สุขสหคตํ นเหตุํ ธมฺมํ ปฏิจฺจ สุขสหคโต นเหตุ ธมฺโม อุปฺปชฺชติ อารมฺมณปจฺจยา: ตีณิ ฯ อุเปกฺขาสหคตํ นเหตุํ ธมฺมํ ปฏิจฺจ อุเปกฺขาสหคโต นเหตุ ธมฺโม อุปฺปชฺชติ อารมฺมณปจฺจยา: ฯ ปีติสหคตํ นเหตุญฺจ สุขสหคตํ นเหตุญฺจ ธมฺมํ ปฏิจฺจ ปีติสหคโต นเหตุ ธมฺโม อุปฺปชฺชติ อารมฺมณปจฺจยา: ตีณิ ฯ