[๕๘๕] นเหตุยา เทฺว นอารมฺมเณ ปญฺจ นอธิปติยา นว โนวิคเต ปญฺจ ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๕๘๖] กุสโล อนิทสฺสโน ธมฺโม กุสลสฺส อนิทสฺสนสฺส ธมฺมสฺส เหตุปจฺจเยน ปจฺจโย: ตีณิ ฯ อกุสโล อนิทสฺสโน ธมฺโม อกุสลสฺส อนิทสฺสนสฺส ธมฺมสฺส เหตุปจฺจเยน ปจฺจโย: ตีณิ ฯ อพฺยากโต อนิทสฺสโน ธมฺโม อพฺยากตสฺส อนิทสฺสนสฺส ธมฺมสฺส เหตุปจฺจเยน ปจฺจโย: ฯ

[๕๘๗] กุสโล อนิทสฺสโน ธมฺโม กุสลสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย: ตีณิ ฯ อกุสโล อนิทสฺสโน ธมฺโม อกุสลสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย: ตีณิ ฯ อพฺยากโต อนิทสฺสโน ธมฺโม อพฺยากตสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย: ตีณิ ฯ

[๕๘๘] เหตุยา สตฺต อารมฺมเณ นว อธิปติยา ทส อนนฺตเร สตฺต อุปนิสฺสเย นว อวิคเต สตฺตรส ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกสนิทสฺสนทุกํ นิฏฺฐิตํ ฯ _________ กุสลตฺติกสปฺปฏิฆทุกํ