[๖๔๗] อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อารมฺมณปจฺจเยน ปจฺจโย: อพฺยากโต อนาสโว ธมฺโม กุสลสฺส อนาสวสฺส ธมฺมสฺส อารมฺมณปจฺจเยน ปจฺจโย: ฯ

[๖๔๘] กุสโล อนาสโว ธมฺโม กุสลสฺส อนาสวสฺส ธมฺมสฺส อธิปติปจฺจเยน ปจฺจโย: ฯ อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อธิปติปจฺจเยน ปจฺจโย: อพฺยากโต อนาสโว ธมฺโม อกุสลสฺส อนาสวสฺส ธมฺมสฺส อธิปติปจฺจเยน ปจฺจโย: ฯ

[๖๔๙] กุสโล อนาสโว ธมฺโม อพฺยากตสฺส อนาสวสฺส ธมฺมสฺส อนนฺตรปจฺจเยน ปจฺจโย: ฯ อพฺยากโต อนาสโว ธมฺโม อพฺยากตสฺส อนาสวสฺส ธมฺมสฺส อนนฺตรปจฺจเยน ปจฺจโย: ฯ

[๖๕๐] เหตุยา เทฺว อารมฺมเณ เทฺว อธิปติยา ตีณิ อนนฺตเร เทฺว สมนนฺตเร เทฺว สหชาเต เทฺว อญฺญมญฺเญ เทฺว นิสฺสเย เทฺว อุปนิสฺสเย จตฺตาริ อวิคเต เทฺว ฯ ยถา กุสลตฺติเก ปญฺหาวารมฺปิ เอวํ วิตฺถาเรตพฺพํ ฯ กุสลตฺติกสาสวทุกํ นิฏฺฐิตํ ฯ __________ กุสลตฺติกอาสวสมฺปยุตฺตทุกํ