[๖๗๑] กุสลํ อาสววิปฺปยุตฺตํ อนาสวํ ธมฺมํ ปฏิจฺจ กุสโล อาสววิปฺปยุตฺโต อนาสโว ธมฺโม อุปฺปชฺชติ เหตุปจฺจยา: ฯ อพฺยากตํ อาสววิปฺปยุตฺตํ อนาสวํ ธมฺมํ ปฏิจฺจ อพฺยากโต อาสววิปฺปยุตฺโต อนาสโว ธมฺโม อุปฺปชฺชติ เหตุปจฺจยา: ฯ

[๖๗๒] เหตุยา เทฺว อารมฺมเณ เทฺว อวิคเต เทฺว ฯ สหชาตวาโรปิ สมฺปยุตฺตวาโรปิ ปฏิจฺจวารสทิสา ฯ

[๖๗๓] กุสโล อาสววิปฺปยุตฺโต อนาสโว ธมฺโม กุสลสฺส อาสววิปฺปยุตฺตสฺส อนาสวสฺส ธมฺมสฺส เหตุปจฺจเยน ปจฺจโย: ฯ อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส เหตุปจฺจเยน ปจฺจโย: ฯ

[๖๗๔] อพฺยากโต อาสววิปฺปยุตฺโต อนาสโว ธมฺโม อพฺยากตสฺส อาสววิปฺปยุตฺตสฺส อนาสวสฺส ธมฺมสฺส อารมฺมณปจฺจเยน ปจฺจโย: อพฺยากโต อาสววิปฺปยุตฺโต อนาสโว ธมฺโม กุสลสฺส้ อาสววิปฺปยุตฺตสฺส อนาสวสฺส ธมฺมสฺส อารมฺมณปจฺจเยน ปจฺจโย: ฯ