[๑๘๕] เสกฺขํ กุสลํ ธมฺมํ ปฏิจฺจ เสกฺโข กุสโล ธมฺโม อุปฺปชฺชติ เหตุปจฺจยา: ฯ เนวเสกฺขานาเสกฺขํ กุสลํ ธมฺมํ ปฏิจฺจ เนวเสกฺขานาเสกฺโข กุสโล ธมฺโม อุปฺปชฺชติ เหตุปจฺจยา: ฯ เทฺว ฯ สพฺพตฺถ วิตฺถาโร ฯ

[๑๘๖] เนวเสกฺขานาเสกฺขํ อกุสลํ ธมฺมํ ปฏิจฺจ เนวเสกฺขานาเสกฺโข อกุสโล ธมฺโม อุปฺปชฺชติ เหตุปจฺจยา: ฯ สพฺพตฺถ เอกํ ฯ

[๑๘๗] เสกฺขํ อพฺยากตํ ธมฺมํ ปฏิจฺจ เสกฺโข อพฺยากโต ธมฺโม อุปฺปชฺชติ เหตุปจฺจยา: นว ฯ สพฺพตฺถ วิตฺถาเรตพฺพํ ฯ เสกฺขตฺติกกุสลตฺติกํ นิฏฺฐิตํ ฯ _______________ ปริตฺตตฺติกกุสลตฺติกํ