TIPITAKA Volume 44 : PALI ROMAN Abhidhamma Pitaka Vol 11 : Abhi. Pa.(5) Anulomadukattikapaṭṭhānaṃ Maggārammaṇattikahetudukaṃ

[348] Maggārammaṇaṃ hetuṃ dhammaṃ paṭicca maggārammaṇo hetu dhammo uppajjati hetupaccayā: tīṇi . maggahetukaṃ hetuṃ dhammaṃ paṭicca maggahetuko hetu dhammo uppajjati hetupaccayā: tīṇi . Maggādhipatiṃ hetuṃ dhammaṃ paṭicca maggādhipati hetu dhammo uppajjati hetupaccayā: pañca . maggārammaṇaṃ hetuñca maggādhipatiṃ hetuñca dhammaṃ paṭicca maggārammaṇo hetu dhammo uppajjati hetupaccayā: tīṇi . maggahetukaṃ hetuñca maggādhipatiṃ hetuñca dhammaṃ paṭicca maggahetuko hetu dhammo uppajjati hetupaccayā: tīṇi.