นกุสลัตติกนสัปปัจจยทุกกุสลัตติกสัปปัจจยทุกะ

Nakusalo nasappaccayo dhammo kusalassa sappaccayassa dhammassa ārammaṇapaccayena paccayo:. Cha. Saṅkhataṃ sappaccayasadisaṃ. Nakusalattikanasanidassanaduke kusalattikasanidassanadukaṃ

Nakusalaṃ nasanidassanaṃ dhammaṃ paṭicca abyākato sanidassano dhammo uppajjati hetupaccayā:.

Hetuyā cha.

Nakusalo naanidassano dhammo kusalassa anidassanassa dhammassa ārammaṇapaccayena paccayo:. Navapañhā kātabbā. Nakusalattikanasappaṭighaduke kusalattikasappaṭighadukaṃ

Nakusalaṃ nasappaṭighaṃ dhammaṃ paṭicca abyākato sappaṭigho dhammo uppajjati hetupaccayā:.

Hetuyā cha.

Nakusalaṃ naappaṭighaṃ dhammaṃ paṭicca abyākato appaṭigho dhammo uppajjati hetupaccayā:.

Hetuyā tīṇi. Nakusalattikanarūpīduke kusalattikarūpīdukaṃ

Nakusalaṃ narūpiṃ dhammaṃ paṭicca abyākato rūpī dhammo uppajjati hetupaccayā:.

Hetuyā cha.

Nakusalaṃ naarūpiṃ dhammaṃ paṭicca abyākato arūpī dhammo uppajjati hetupaccayā:.

Hetuyā tīṇi. Nakusalattikanalokiyaduke kusalattikalokiyadukaṃ

Nakusalaṃ nalokiyaṃ dhammaṃ paṭicca abyākato lokiyo dhammo uppajjati hetupaccayā:.

Hetuyā pañca.

Nakusalaṃ nalokuttaraṃ dhammaṃ paccayā kusalo lokuttaro dhammo uppajjati hetupaccayā: ... Abyākato lokuttaro dhammo .... Chapañhā kātabbā. Nakusalattikanakenaciviññeyyaduke kusalattikakenaciviññeyyadukaṃ

Nakusalaṃ nakenaciviññeyyaṃ 1- dhammaṃ paṭicca akusalo kenaciviññeyyo dhammo uppajjati hetupaccayā:.

Hetuyā aṭṭhārasa.

Nakusalaṃ nakenacinaviññeyyaṃ 1- dhammaṃ paṭicca akusalo kenacinaviññeyyo dhammo uppajjati hetupaccayā:.

Hetuyā aṭṭhārasa. Nakusalattikanoāsavaduke kusalattikaāsavadukaṃ

Nakusalaṃ noāsavaṃ dhammaṃ paṭicca akusalo āsavo dhammo uppajjati hetupaccayā:.

Hetuyā tīṇi.

Nakusalaṃ nanoāsavaṃ dhammaṃ paṭicca akusalo noāsavo dhammo uppajjati hetupaccayā:.

Hetuyā nava. Nakusalattikanasāsavaduke kusalattikasāsavadukaṃ

Nakusalaṃ nasāsavaṃ dhammaṃ paṭicca abyākato sāsavo dhammo uppajjati hetupaccayā:.

Hetuyā pañca. @Footnote: 1 Ma. nakenaciiññeyyaṃ. Nakusalattikanaāsavasampayuttaduke kusalattikaāsavasampayuttadukaṃ

Nakusalaṃ naāsavasampayuttaṃ dhammaṃ paṭicca akusalo āsavasampayutto dhammo uppajjati hetupaccayā:.

Hetuyā tīṇi.

Nakusalaṃ naāsavavippayuttaṃ dhammaṃ paṭicca akusalo āsavavippayutto dhammo uppajjati hetupaccayā:. Nava. Nakusalattikanaāsavasāsavaduke kusalattikaāsavasāsavadukaṃ

Nakusalaṃ naāsavañcevanaanāsavañca dhammaṃ paṭicca akusalo āsavocevasāsavoca dhammo uppajjati hetupaccayā:.

Hetuyā tīṇi.

Nakusalaṃ naanāsavañcevananocaāsavaṃ dhammaṃ paṭicca akusalo āsavocevanocaāsavo dhammo uppajjati hetupaccayā:.

Hetuyā nava. Nakusalattikanaāsavaāsavasampayuttaduke kusalattikaāsavaāsavasammapayuttadukaṃ

Nakusalaṃ naāsavañcevanaāsavavippayuttañca dhammaṃ paṭicca akusalo āsavocevaāsavasampayuttoca dhammo uppajjati hetupaccayā:.

Hetuyā tīṇi.

Nakusalaṃ naāsavavippayuttañcevananocaāsavaṃ dhammaṃ paṭicca Akusalo āsavasampayuttocevanocaāsavo dhammo uppajjati hetupaccayā:. Tīṇi. Nakusalattikaāsavavippayuttanasāsavaduke kusalattikaāsavavippayuttasāsavadukaṃ

Nakusalaṃ āsavavippayuttaṃ nasāsavaṃ dhammaṃ paṭicca abyākato āsavavippayutto sāsavo dhammo uppajjati hetupaccayā:.

Hetuyā pañca.