[๒๙๒] อชฺฌตฺติกํ กุสลํ ธมฺมํ ปฏิจฺจ นอชฺฌตฺติโก นกุสโล ธมฺโม อุปฺปชฺชติ เหตุปจฺจยา: พาหิรํ กุสลํ ธมฺมํ ปฏิจฺจ นอชฺฌตฺติโก นกุสโล ธมฺโม อุปฺปชฺชติ เหตุปจฺจยา: ตีณิ ฯ อชฺฌตฺติกํ อกุสลํ ธมฺมํ ปฏิจฺจ นอชฺฌตฺติโก นอกุสโล ธมฺโม อุปฺปชฺชติ เหตุปจฺจยา: พาหิรํ อกุสลํ ธมฺมํ ปฏิจฺจ นอชฺฌตฺติโก นอกุสโล ธมฺโม อุปฺปชฺชติ เหตุปจฺจยา: ตีณิ ฯ อพฺยากตมูลํ ตีณิเยว ฯ อุปาทาทุกกุสลตฺติเก นอุปาทาทุกนกุสลตฺติกํ

[๒๙๓] โนอุปาทา กุสลํ ธมฺมํ ปฏิจฺจ นโนอุปาทา นกุสโล ธมฺโม อุปฺปชฺชติ เหตุปจฺจยา: ตีณิ ฯ โนอุปาทา อกุสลํ ธมฺมํ ปฏิจฺจ นโนอุปาทา นอกุสโล ธมฺโม อุปฺปชฺชติ เหตุปจฺจยา: ตีณิ ฯ อพฺยากตมูลํ ตีณิเยวฯ อุปาทินฺนทุกกุสลตฺติเก นอุปาทินฺนทุกนกุสลตฺติกํ

[๒๙๔] อนุปาทินฺนํ กุสลํ ธมฺมํ ปฏิจฺจ นอุปาทินฺโน นกุสโล ธมฺโม อุปฺปชฺชติ เหตุปจฺจยา: เอกํ ฯ อนุปาทินฺนํ อกุสลํ ธมฺมํ ปฏิจฺจ นอุปาทินฺโน นอกุสโล ธมฺโม อุปฺปชฺชติ เหตุปจฺจยา: เอกํ ฯ อพฺยากตมูลํ เอกเมว ฯ อุปาทานโคจฺฉกทุกกุสลตฺติเก โนอุปาทานโคจฺฉกทุกนกุสลตฺติกํ

[๒๙๕] โนอุปาทานํ กุสลํ ธมฺมํ ปฏิจฺจ โนอุปาทาโน นกุสโล ธมฺโม อุปฺปชฺชติ เหตุปจฺจยา: เอกํ ฯ โนอุปาทานํ อกุสลํ ธมฺมํ ปฏิจฺจ โนอุปาทาโน นอกุสโล ธมฺโม อุปฺปชฺชติ เหตุปจฺจยา: ตีณิ ฯ กิเลสโคจฺฉกทุกกุสลตฺติเก โนกิเลสโคจฺฉกทุกนกุสลตฺติกํ