[๓๑] วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปาโก ธมฺโม อุปฺปชฺชติ เหตุปจฺจยา: วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปากธมฺมธมฺโม อุปฺปชฺชติ เหตุปจฺจยา: วิปากธมฺมธมฺมญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปาโก จ นเนววิปากนวิปากธมฺมธมฺโม จ ธมฺมา อุปฺปชฺชนฺติ เหตุปจฺจยา: ตีณิ ฯ

[๓๒] วิปากํ ธมฺมํ ปฏิจฺจ นวิปากธมฺมธมฺโม อุปฺปชฺชติ อารมฺมณปจฺจยา: ตีณิ ฯ วิปากธมฺมธมฺมํ ปฏิจฺจ นวิปาโก ธมฺโม อุปฺปชฺชติ อารมฺมณปจฺจยา: ตีณิ ฯ เนววิปากนวิปากธมฺมธมฺมํ ปฏิจฺจ นเนววิปากนวิปากธมฺมธมฺโม อุปฺปชฺชติ อารมฺมณปจฺจยา: ปญฺจ ฯ วิปากญฺจ เนววิปากนวิปากธมฺมธมฺมญฺจ ธมฺมํ ปฏิจฺจ นวิปากธมฺมธมฺโม อุปฺปชฺชติ อารมฺมณปจฺจยา: ตีณิ ฯ

[๓๓] เหตุยา เตวีส อารมฺมเณ จุทฺทส ฯเปฯ อวิคเต เตวีส ฯ

[๓๔] นเหตุยา อฏฺฐารส นอารมฺมเณ ปณฺณรส ฯ สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ วิตฺถาเรตพฺพํ ฯ