[๓๑๘] อารมฺมเณ เทฺว อวิคเต เทฺว ฯ สรณทุกเวทนาตฺติเก นสรณทุกนเวทนาตฺติกํ

[๓๑๙] สรณํ สุขายเวทนายสมฺปยุตฺตํ ธมฺมํ ปฏิจฺจ นสรโณ นสุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: สรณํ สุขายเวทนายสมฺปยุตฺตํ ธมฺมํ ปฏิจฺจ นอรโณ นสุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: สรณํ สุขายเวทนายสมฺปยุตฺตํ ธมฺมํ ปฏิจฺจ นสรโณ นสุขายเวทนายสมฺปยุตฺโต จ นอรโณ นสุขายเวทนายสมฺปยุตฺโต จ ธมฺมา อุปฺปชฺชนฺติ เหตุปจฺจยา: อรณํ สุขายเวทนายสมฺปยุตฺตํ ธมฺมํ ปฏิจฺจ นสรโณ นสุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: จตฺตาริ ฯ สรณํ ทุกฺขายเวทนายสมฺปยุตฺตํ ธมฺมํ ปฏิจฺจ นสรโณ นทุกฺขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: ตีณิ ฯ สรณํ อทุกฺขมสุขายเวทนายสมฺปยุตฺตํ ธมฺมํ ปฏิจฺจ นสรโณ นอทุกฺขมสุขายเวทนายสมฺปยุตฺโต ธมฺโม อุปฺปชฺชติ เหตุปจฺจยา: จตฺตาริ ฯ สรณทุกวิปากตฺติเก นสรณทุกนวิปากตฺติกํ

[๓๒๐] อรณํ วิปากํ ธมฺมํ ปฏิจฺจ นสรโณ นวิปาโก ธมฺโม อุปฺปชฺชติ เหตุปจฺจยา: เอกํ ฯ สรณํ วิปากธมฺมธมฺมํ ปฏิจฺจ นสรโณ นวิปากธมฺมธมฺโม อุปฺปชฺชติ เหตุปจฺจยา: อรณํ วิปากธมฺมธมฺมํ ปฏิจฺจ นสรโณ นวิปากธมฺมธมฺโม อุปฺปชฺชติ เหตุปจฺจยา: เทฺว ฯ อรณํ เนววิปากนวิปากธมฺมธมฺมํ ปฏิจฺจ นสรโณ นเนววิปากนวิปากธมฺมธมฺโม อุปฺปชฺชติ เหตุปจฺจยา: เอกํ ฯ สรณทุกอุปาทินฺนุปาทานิยตฺติเก นสรณทุกนอุปาทินฺนุปาทานิยตฺติกํ