[๓๗๖] อพฺยากตํ โลกิยํ ธมฺมํ ปฏิจฺจ นอพฺยากโต นโลกิโย ธมฺโม อุปฺปชฺชติ เหตุปฺปจฺจยา: ... นกุสโล นโลกิโย ธมฺโม ... นอกุสโล นโลกิโย ธมฺโม ... นอกุสโล นโลกิโย จ นอพฺยากโต นโลกิโย จ ธมฺมา ... นกุสโล นโลกิโย จ นอกุสโล นโลกิโย จ ธมฺมา ... ปญฺจ ฯ กุสลํ โลกุตฺตรํ ธมฺมํ ปฏิจฺจ นกุสโล นโลกุตฺตโร ธมฺโม ... นอกุสโล นโลกุตฺตโร ธมฺโม ... นกุสโล นโลกุตฺตโร จ นอกุสโล นโลกุตฺตโร จ ... ตีณิ ฯ อพฺยากตํ โลกุตฺตรํ ธมฺมํ ปฏิจฺจ นกุสโล นโลกุตฺตโร ธมฺโม ... นอกุสโล นโลกุตฺตโร ธมฺโม ... นกุสโล นโลกุตฺตโร จ นอกุสโล นโลกุตฺตโร จ ธมฺมา อุปฺปชฺชนฺติ เหตุปจฺจยา: ตีณิ ฯ กุสลตฺติกเกนจิวิญฺเญยฺยทุเก นกุสลตฺติกนเกนจิวิญฺเญยฺยทุกํ

[๓๗๗] กุสลํ เกนจิวิญฺเญยฺยํ ธมฺมํ ปฏิจฺจ นกุสโล นเกนจิวิญฺเญยฺโย ธมฺโม ... นอกุสโล นเกนจิวิญฺเญยฺโย ธมฺโม ... นอพฺยากโต นเกนจิวิญฺเญยฺโย ธมฺโม ฯ สงฺขิตฺตํ ฯ เกนจิวิญฺเญยฺเย ตีณิ ฯ เอกูนวีสติ ฯ กุสลํ เกนจินวิญฺเญยฺยํ ธมฺมํ ปฏิจฺจ นกุสโล นเกนจินวิญฺเญยฺโย ธมฺโม ... นอกุสโล นเกนจินวิญฺเญยฺโย ธมฺโม ... นอพฺยากโต นเกนจินวิญฺเญยฺโย ธมฺโม อุปฺปชฺชติ เหตุปจฺจยา: ฯเปฯ เอเตน อุปาเยน เกนจินวิญฺเญยฺเย เอกูนวีสติปญฺหา กาตพฺพา ฯ กุสลตฺติกอาสวทุเก นกุสลตฺติกนอาสวทุกํ