[๙๙] เหตุยา นว อารมฺมเณ นว อวิคเต นว สพฺพตฺถ วิตฺถาโร นสญฺโญชนสญฺโญชนสมฺปยุตฺตทุกํ

[๑๐๐] นสญฺโญชนญฺเจวนสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชโนเจวนสญฺโญชนวิปฺปยุตฺโตจ ธมฺโม อุปฺปชฺชติ เหตุปจฺจยา: นสญฺโญชนญฺเจวนสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชนวิปฺปยุตฺโตเจวนโนจสญฺโญชโน ธมฺโม อุปฺปชฺชติ เหตุปจฺจยา: นสญฺโญชนญฺเจวนสญฺโญชนวิปฺปยุตฺตญฺจ ธมฺมํ ปฏิจฺจ นสญฺโญชโนเจวนสญฺโญชนวิปฺปยุตฺโตจ นสญฺโญชนวิปฺปยุตฺโตเจว นโนจสญฺโญชโน จ ธมฺมา อุปฺปชฺชนฺติ เหตุปจฺจยา: ฯ นสญฺโญชนวิปฺปยุตฺตญฺเจวนโนจสญฺโญชนํ ธมฺมํ ปฏิจฺจ นสญฺโญชนวิปฺปยุตฺโตเจวนโนจสญฺโญชโน ธมฺโม อุปฺปชฺชติ เหตุ ปจฺจยา: นสญฺโญชนวิปฺปยุตฺตญฺเจวนโนจสญฺโญชนํ ธมฺมํ ปฏิจฺจ นสญฺโญชโนเจวนสญฺโญชนวิปฺปยุตฺโตจ ธมฺโม อุปฺปชฺชติ เหตุปจฺจยา: นสญฺโญชนวิปฺปยุตฺตญฺเจวนโนจสญฺโญชนํ ธมฺมํ ปฏิจฺจ นสญฺโญชโนเจวนสญฺโญชนวิปฺปยุตฺโตจ นสญฺโญชนวิปฺปยุตฺโตเจว- นโนจสญฺโญชโน จ ธมฺมา อุปฺปชฺชนฺติ เหตุปจฺจยา: ฯ

[๑๐๑] เหตุยา นว อวิคเต นว สพฺพตฺถ วิตฺถาโร ฯ สญฺโญชนวิปฺปยุตฺตนสญฺโญชนิยทุกํ

[๑๐๒] สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นสญฺโญชนิโย ธมฺโม อุปฺปชฺชติ เหตุปจฺจยา: สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยา: สญฺโญชนวิปฺปยุตฺตํ นสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นสญฺโญชนิโย จ สญฺโญชนวิปฺปยุตฺโต นอสญฺโญชนิโย จ ธมฺมา อุปฺปชฺชนฺติ เหตุปจฺจยา: ฯ สญฺโญชนวิปฺปยุตฺตํ นอสญฺโญชนิยํ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยา: ฯ สญฺโญชนวิปฺปยุตฺตํ นสญฺโญชนิยญฺจ สญฺโญชนวิปฺปยุตฺตํ นอสญฺโญชนิยญฺจ ธมฺมํ ปฏิจฺจ สญฺโญชนวิปฺปยุตฺโต นอสญฺโญชนิโย ธมฺโม อุปฺปชฺชติ เหตุปจฺจยา: ฯ