[๑๕๓] เหตุยา นว ฯ กิเลสวิปฺปยุตฺตนสงฺกิเลสิกทุกํ

[๑๕๔] กิเลสวิปฺปยุตฺตํ นสงฺกิเลสิกํ ธมฺมํ ปฏิจฺจ กิเลสวิปฺปยุตฺโต นสงฺกิเลสิโก ธมฺโม อุปฺปชฺชติ เหตุปจฺจยา: กิเลสวิปฺปยุตฺตํ นสงฺกิเลสิกํ ธมฺมํ ปฏิจฺจ กิเลสวิปฺปยุตฺโต นอสงฺกิเลสิโก ธมฺโม อุปฺปชฺชติ เหตุปจฺจยา: กิเลสวิปฺปยุตฺตํ นสงฺกิเลสิกํ ธมฺมํ ปฏิจฺจ กิเลสวิปฺปยุตฺโต นสงฺกิเลสิโก จ กิเลสวิปฺปยุตฺโต นอสงฺกิเลสิโก จ ธมฺมา อุปฺปชฺชนฺติ เหตุปจฺจยา: ฯ กิเลสวิปฺปยุตฺตํ นอสงฺกิเลสิกํ ธมฺมํ ปฏิจฺจ กิเลสวิปฺปยุตฺโต นอสงฺกิเลสิโก ธมฺโม อุปฺปชฺชติ เหตุปจฺจยา: ฯ กิเลสวิปฺปยุตฺตํ นสงฺกิเลสิกญฺจ กิเลสวิปฺปยุตฺตํ นอสงฺกิเลสิกญฺจ ธมฺมํ ปฏิจฺจ กิเลสวิปฺปยุตฺโต นอสงฺกิเลสิโก ธมฺโม อุปฺปชฺชติ เหตุปจฺจยา: ฯ

[๑๕๕] เหตุยา ปญฺจ สพฺพตฺถ วิตฺถาโร ฯ นทสฺสเนนปหาตพฺพทุกํ