[๓๒๒] นอปริยาปนฺนํ นกุสลํ ธมฺมํ ปจฺจยา อปริยาปนฺโน กุสโล ธมฺโม อุปฺปชฺชติ เหตุปจฺจยา: ... ปริยาปนฺโน กุสโล ธมฺโม ... ฯ เทฺว ฯ นนิยฺยานิกทุกนกุสลตฺติเก นิยฺยานิกทุกกุสลตฺติกํ

[๓๒๓] นนิยฺยานิกํ นกุสลํ ธมฺมํ ปจฺจยา นิยฺยานิโก กุสโล ธมฺโม อุปฺปชฺชติ เหตุปจฺจยา: ... อนิยฺยานิโก กุสโล ธมฺโม ... ฯ เทฺว ฯ นนิยตทุกนกุสลตฺติเก นิยตทุกกุสลตฺติกํ

[๓๒๔] นนิยตํ นกุสลํ ธมฺมํ ปจฺจยา นิยโต กุสโล ธมฺโม อุปฺปชฺชติ เหตุปจฺจยา: ... อนิยโต กุสโล ธมฺโม ... ฯ เทฺว ฯ นสอุตฺตรทุกนกุสลตฺติเก สอุตฺตรทุกกุสลตฺติกํ

[๓๒๕] นอนุตฺตรํ นกุสลํ ธมฺมํ ปจฺจยา อนุตฺตโร กุสโล ธมฺโม อุปฺปชฺชติ เหตุปจฺจยา: ... สอุตฺตโร กุสโล ธมฺโม ... ฯ เทฺว ฯ นสรณทุกนกุสลตฺติเก สรณทุกกุสลตฺติกํ