TIPITAKA Volume 45 : PALI ROMAN Abhidhamma Pitaka Vol 12 : Abhi. Pa.(6) Paccanīya-Anulomapaccanīya-Paccanīyānulomapaṭṭhānaṃ Ācayagāmittike naācayagāmittikaṃ

[79] Ācayagāmiṃ dhammaṃ paṭicca naācayagāmī dhammo uppajjati hetupaccayā: ācayagāmiṃ dhammaṃ paṭicca naapacayagāmī dhammo uppajjati hetupaccayā: ācayagāmiṃ dhammaṃ paṭicca nanevācayagāmi- nāpacayagāmiṃ dhammo uppajjati hetupaccayā: ācayagāmiṃ dhammaṃ paṭicca naapacayagāmī ca nanevācayagāmināpacayagāmī ca dhammā uppajjanti hetupaccayā: ācayagāmiṃ dhammaṃ paṭicca naācayagāmī ca Naapacayagāmī ca dhammā uppajjanti hetupaccayā: pañca.