ปัฏฐาน ภาค ๖

TIPITAKA Volume 45 : PALI ROMAN Abhidhamma Pitaka Vol 12 : Abhi. Pa.(6) Paccanīya-Anulomapaccanīya-Paccanīyānulomapaṭṭhānaṃ Abhidhammapiṭake paṭṭhānaṃ chaṭṭhamo bhāgo paccanīyapaṭṭhānaṃ ------------ namo tassa bhagavato arahato sammāsambuddhassa paccanīyatikapaṭṭhānaṃ nakusalattikaṃ

[1] Nakusalaṃ dhammaṃ paṭicca nakusalo dhammo uppajjati hetupaccayā: akusalaṃ abyākataṃ ekaṃ khandhaṃ paṭicca akusalo abyākato tayo khandhā cittasamuṭṭhānañca rūpaṃ dve khandhe paṭicca dve khandhā cittasamuṭṭhānañca rūpaṃ . nakusalaṃ dhammaṃ paṭicca naakusalo dhammo uppajjati hetupaccayā: nakusalaṃ dhammaṃ paṭicca naabyākato dhammo uppajjati hetupaccayā: nakusalaṃ dhammaṃ paṭicca nakusalo ca naabyākato ca dhammā uppajjanti hetupaccayā: nakusalaṃ dhammaṃ paṭicca nakusalo ca naakusalo ca dhammā uppajjanti hetupaccayā:. Pañca.