น วฏฺฏติ ฉินฺทิตพฺพเมว ฯ {๓๖๑} น ภิกฺขเว สทฺธาเทยฺยนฺติ เอตฺถ เสสญาตีนํ เทนฺโต วินิปาเตติเยว มาตาปิตโร ปน สเจ รชฺเช ฐิตาปิ ปตฺเถนฺติ ทาตพฺพํ ฯ {๓๖๒} คิลาโนติ คิลานตาย คเหตฺวา คนฺตุํ อสมตฺโถ ฯ วสฺสิกสงฺเกตนฺติ วสฺสิเก จตฺตาโร มาเส ฯ นทีปารนฺติ นทิยา ปาเร ภตฺตํ ภุญฺชิตพฺพํ โหติ ฯ อคฺคฬคุตฺติวิหาโรติ สพฺเพเสฺวว เจเตสุ คิลานวสฺสิกสงฺเกตนทีปารคมนอตฺถตกฐินภาเวสุ อคฺคฬคุตฺติเยว ปมาณํ คุตฺเต เอว หิ วิหาเร นิกฺขิปิตฺวา พหิ คนฺตุํ วฏฺฏติ น อคุตฺเต อรญฺญกสฺส ปน วิหาโร น สุคุตฺโต โหติ เตน ภณฺฑุกฺขลิยํ ปกฺขิปิตฺวา ปาสาณสุสิรรุกฺขสุสิราทีสุ สุปฏิจฺฉนฺเนสุ ฐเปตฺวา คนฺตพฺพํ ฯ