[192] Pārivāsikacatuttho ce bhikkhave parivāsaṃ dadeyya mūlāya paṭikasseyya mānattaṃ dadeyya taṃvīso abbheyya akammaṃ na ca karaṇīyaṃ . mūlāya paṭikassanārahacatuttho ce bhikkhave parivāsaṃ dadeyya mūlāya paṭikasseyya mānattaṃ dadeyya taṃvīso abbheyya akammaṃ na ca karaṇīyaṃ . mānattārahacatuttho ce bhikkhave parivāsaṃ dadeyya mūlāya paṭikasseyya mānattaṃ dadeyya taṃvīso abbheyya akammaṃ na ca karaṇīyaṃ . mānattacārikacatuttho ce bhikkhave parivāsaṃ dadeyya mūlāya paṭikasseyya mānattaṃ dadeyya taṃvīso abbheyya akammaṃ na ca karaṇīyaṃ . abbhānārahacatuttho ce bhikkhave parivāsaṃ dadeyya mūlāya paṭikasseyya mānattaṃ dadeyya taṃvīso abbheyya akammaṃ na ca karaṇīyaṃ.