Daṇḍasammatinti ettha pamāṇayutto catuhatthoyeva daṇḍo sammannitvā dātabbo. Tato onātiritto vināpi sammatiyā sabbesaṃ vaṭṭati.

Sikkā pana agilānassa na vaṭṭati. Gilānassāpi sammannitvāva dātabbā.

{273} Romaṭṭhakassāti ettha ṭhapetvā romaṭṭhakaṃ sesānaṃ uggāraṃ mukhe santhāretvā gilantānaṃ āpatti. Sace pana asantharitameva paragalaṃ gacchati vaṭṭati.

Yaṃ dīyamānanti idaṃ bhojanavagge vaṇṇitameva.