{253} Likhitunti tanukaraṇatthāyetaṃ vuttaṃ.

Pakatimaṇḍalanti makaradantachindakamaṇḍalameva.

{254} Āvattitvāti aññamaññaṃ paharitvā.

Pattādhārakanti ettha dantavalīvettādīhi kate bhūmiādhārake tayo dāruādhārake dve patte uparupari ṭhapetuṃ vaṭṭatīti kurundiyaṃ vuttaṃ. Mahāaṭṭhakathāyaṃ pana vuttaṃ bhūmiādhārake tiṇṇaṃ pattānaṃ anokāse dve ṭhapetuṃ vaṭṭati dāruādhārakadaṇḍādhārakesupi susajjitesu eseva nayo bhamakoṭisadiso pana dāruādhārako tīhi daṇḍakehi baddho daṇḍakādhārako ca ekassapi pattassa anokāso tattha ṭhapetvāpi hatthena gahetvā evaṃ nisīditabbaṃ bhūmiyaṃ pana nikkujjitvā ekameva ṭhapetabbanti.