TIPITAKA Volume 7 : PALI ROMAN Vinaya Pitaka Vol 7 : Vinaya. Culla (2)

[442] Tena kho pana samayena antevāsikā ācariyesu na sammā vattanti . ye te bhikkhū appicchā .pe. te ujjhāyanti khīyanti vipācenti kathaṃ hi nāma antevāsikā ācariyesu na sammā vattissantīti . athakho te bhikkhū bhagavato etamatthaṃ ārocesuṃ .pe. saccaṃ kira bhikkhave antevāsikā ācariyesu na sammā vattantīti . saccaṃ bhagavāti .pe. vigarahitvā dhammiṃ kathaṃ katvā bhikkhū āmantesi tenahi bhikkhave antevāsikānaṃ bhikkhūnaṃ ācariyesu vattaṃ paññāpessāmi yathā antevāsikehi bhikkhūhi ācariyesu sammā vattitabbaṃ.