[183] Tena kho pana samayena chabbaggiyā bhikkhū tiracchānavijjaṃ pariyāpuṇanti .pe. bhagavato etamatthaṃ ārocesuṃ .pe. na bhikkhave tiracchānavijjā pariyāpuṇitabbā yo pariyāpuṇeyya āpatti dukkaṭassāti.

[184] Tena kho pana samayena chabbaggiyā bhikkhū tiracchānavijjaṃ vācenti . manussā ujjhāyanti khīyanti vipācenti .pe. seyyathāpi gihī kāmabhoginoti .pe. bhagavato etamatthaṃ ārocesuṃ .pe. Na bhikkhave tiracchānavijjā vācetabbā yo vāceyya āpatti dukkaṭassāti.