[215] Tena kho pana samayena aññataro bhikkhu nīce mañce sayanto ahinā daṭṭho hoti . bhagavato etamatthaṃ ārocesuṃ . Anujānāmi bhikkhave mañcapaṭipādakanti.

[216] Tena kho pana samayena chabbaggiyā bhikkhū ucce mañcapaṭipādake dhārenti . saha mañcapaṭipādakehi pavedhenti . Manussā vihāracārikaṃ āhiṇḍantā passitvā ujjhāyanti khīyanti vipācenati .pe. seyyathāpi gihī kāmabhoginoti .pe. bhagavato etamatthaṃ ārocesuṃ .pe. na bhikkhave uccā mañcapaṭipādakā dhāretabbā yo dhāreyya āpatti dukkaṭassa anujānāmi bhikkhave aṭṭhaṅgulaparamaṃ mañcapaṭipādakanti.