สมุฏฺฐานสีสวณฺณนา

{๒๕๗} ตทนนฺตราย ปน สมุฏฺฐานกถาย ฯ อนตฺตา อิติ นิจฺฉยาติ อนตฺตา อิติ วนิจฺฉิตา ฯ สภาคธมฺมานนฺติ อนิจฺจาการาทีหิ สภาคานํ สงฺขตธมฺมานํ ฯ นามมตฺตํ น ญายตีติ นามมตฺตํปิ น ปญฺญายติ ฯ ทุกฺขหานินฺติ ทุกฺขฆาตกํ ๑- ฯ ขนฺธกา ยจ ๒- มาติกาติ ขนฺธกา ยา จ มาติกาติ อตฺโถ ฯ อยเมว วา ปาโฐ ฯ สมุฏฺฐานนิยโต กตนฺติ สมุฏฺฐานํ นิยโต กตํ นิยตกตํ นิยตสมุฏฺฐานนฺติ อตฺโถ ฯ เอเตน ภูตาโรจนโจรีวุฏฺฐาปนอนนุญฺญาตสิกฺขาปทตฺตยสฺส สงฺคโห ปจฺเจตพฺโพ ฯ เอตาเนว หิ ตีณิ สิกฺขาปทานิ นิยตสมุฏฺฐานานิ อญฺเญหิ สทฺธึ อสมฺภินฺนสมุฏฺฐานานิ ฯ สมฺเภทนิทานญฺจญฺญนฺติ อญฺญํปิ สมฺเภทญฺจ นิทานญฺจ ตตฺถ สมฺเภทวจเนน สมุฏฺฐาน- สมฺเภทสฺส คหณํ ปจฺเจตพฺพํ ฯ ตานิ หิ ตีณิ สิกฺขาปทานิ ฐเปตฺวา เสสานิ สมฺภินฺนสมุฏฺฐานานิ ฯ นิทานวจเนน สิกฺขาปทานํ ปญฺญตฺตปฺ- ปเทสสงฺขาตํ นิทานํ ปจฺเจตพฺพํ ฯ สุตฺเต ทิสฺสนฺติ อุปรีติ สิกฺขาปทานํ สมุฏฺฐานนิยโม สมฺเภโท นิทานนฺติ อิมานิ ตีณิ สุตฺตมฺหิ เอว ทิสฺสนฺติ ปญฺญายนฺตีติ อตฺโถ ฯ ตตฺถ เอเกน สมุฏฺฐาเนน สมุฏฺฐาติ กายโต จ จิตฺตโต จาติอาทิมฺหิ ตาว ปุริมนเย

๒. ยา จาติ ปาลิ ฯ สมุฏฺฐานนิยโม จ สมฺเภโท จ ทิสฺสติ ฯ อิตรํ ปน นิทานํ นาม

เวสาลิยา ราชคเห สาวตฺถิยา จ อาฬวิยา