{432} Mandattā momūhattāti mandabhāvena momūhabhāvena vissajjituṃpi jānituṃpi asamattho kevalaṃ attano momūhabhāvaṃ pakāsentoyeva pucchati ummattako viya. Pāpicchoti evaṃ maṃ jano sambhāvessatīti pāpikāya icchāya pucchati.

Paribhavāti paribhavaṃ āropetukāmo hutvā pucchati. Aññabyākaraṇesupi eseva nayo. Sesaṃ sabbattha uttānamevāti.

Diṭṭhāvikammavagga vaṇṇanā niṭṭhitā.

Attādānavagge ca dhutaṅgavagge ca yaṃ vattabbaṃ siyā taṃ sabbaṃ heṭṭhā vuttameva.