[๑๐๗๗] อนุวิชฺชเกน โจทโก ปุจฺฉิตพฺโพ ยํ โข ตฺวํ อาวุโส อิมํ ภิกฺขุํ โจเทสิ กิมฺหิ นํ โจเทสิ สีลวิปตฺติยา

[๑] โจเทสิ อาจารวิปตฺติยา

[๑] โจเทสิ ทิฏฺฐิวิปตฺติยา

[๑] โจเทสีติ ฯ โส เจ เอวํ วเทยฺย สีลวิปตฺติยา วา โจเทมิ อาจารวิปตฺติยา วา โจเทมิ ทิฏฺฐิวิปตฺติยา วา โจเทมีติ ฯ โส เอวมสฺส วจนีโย ชานาติ ๒ ปนายสฺมา สีลวิปตฺตึ ชานาติ ๒ อาจารวิปตฺตึ ชานาติ ๒ ทิฏฺฐิวิปตฺตินฺติ ฯ โส เจ เอวํ วเทยฺย ชานามิ โข อหํ อาวุโส สีลวิปตฺตึ ชานามิ อาจารวิปตฺตึ ชานามิ ทิฏฺฐิวิปตฺตินฺติ ฯ โส เอวมสฺส วจนีโย กตมา ปนาวุโส สีลวิปตฺติ กตมา อาจารวิปตฺติ กตมา ทิฏฺฐิวิปตฺตีติ ฯ โส เจ เอวํ วเทยฺย จตฺตาริ