TIPITAKA Volume 8 : PALI ROMAN Vinaya Pitaka Vol 8 : Vinaya. Parivāra

[1117] Diṭṭhaṃ diṭṭhena sameti diṭṭhena saṃsandate diṭṭhaṃ diṭṭhaṃ paṭicca na upeti asuddhaparisaṅkito so puggalo paṭiññāya kātabbā tena pavāraṇā. Sutaṃ sutena sameti sutena saṃsandate sutaṃ sutaṃ paṭicca na upeti asuddhaparisaṅkito so puggalo paṭiññāya kātabbā tena pavāraṇā. Mutaṃ mutena sameti mutena saṃsandate mutaṃ mutaṃ paṭicca na upeti asuddhaparisaṅkito so puggalo paṭiññāya kātabbā tena pavāraṇāti.