สมโณติ ภควา สมิตปาปตาย ลทฺธโวหาโร. โคตโมติ โคตฺตวเสน โคตโม. ๒- น เกวลญฺจ ภควาเยว ปาณาติปาตา ปฏิวิรโต, ภิกฺขุสํโฆปิ ปฏิวิรโต, เทสนา ปน อาทิโต ปฏฺฐาย เอวํ อาคตา, อตฺถํ ปน ทีเปนฺเตน ภิกฺขุสํฆวเสนาปิ ทีเปตุํ วฏฺฏติ.

นิหิตทณฺโฑ นิหิตสตฺโถติ ปรูปฆาตตฺถาย ทณฺฑํ วา สตฺถํ วา อาทาย อวตฺตนโต นิกฺขิตฺตทณฺโฑ เจว นิกฺขิตฺตสตฺโถ จาติ อตฺโถ. เอตฺถ จ ฐเปตฺวา ทณฺฑํ สพฺพํปิ อวเสสํ อุปกรณํ สตฺตานํ วินาสนภาวโต ๓- สตฺถนฺติ

@๓ ฉ.ม. วิเหฐนภาวโต, สี.อิ. วิหึสนภาวโต เวทิตพฺพํ. ยํ ปน ภิกฺขู ภตฺตรทณฺฑํ วา ทนฺตกฏฺฐวาสึ วา ๑- ปิปฺผลิกํ วา คเหตฺวา วิจรนฺติ, น ตํ ปรูปฆาตตฺถาย. ตสฺมา "นิหิตทณฺโฑ นิหิตสตฺโถ"เตฺวว สงฺขยํ คจฺฉติ.