[๓๘] ตตฺถ ๓- เอกจฺจสสฺสติกาติ เอกจฺจสสฺสตวาทา, เต ทุวิธา โหนฺติ: สตฺเตกจฺจสสฺสติกา, สงฺขาเรกจฺจสสฺสติกาติ. ทุวิธาปิ อิธ คหิตาเยว.

[๓๙] ยนฺติ นิปาตมตฺตํ. กทาจีติ กิสฺมิญฺจิ กาเล. กรหจีติ ตสฺเสว เววจนํ. ทีฆสฺส อทฺธุโนติ ทีฆสฺส กาลสฺส. อจฺจเยนาติ อติกฺกเมน. สํวฏฺฏตีติ วินสฺสติ. เยภุยฺเยนาติ เย อุปริ พฺรหฺมโลเกสุ วา อรูเปสุ วา นิพฺพตฺตนฺติ, ตทวเสเส สนฺธาย วุตฺตํ. ฌานมเนน นิพฺพตฺตตฺตา มโนมยา. ปีติ เตสํ ภกฺโข

@๓ ฉ.ม., อิ. อยํ ปาโฐ น ทิสฺสติ. วิสุทฺธิ ๒/๕๑ ปิฏฺเฐ. อาหาโรติ ปีติภกฺขา. อตฺตโนว เตสํ ปภาติ สยมฺปภา. อนฺตลิกฺเข จรนฺตีติ อนฺตลิกฺขจรา. สุเภสุ อุยฺยานวิมานกปฺปรุกฺขาทีสุ ติฏฺฐนฺตีติ สุภฏฺฐายิโน. สุภา วา มโนรมฺมวตฺถาภรณา หุตฺวา ติฏฺฐนฺตีติ สุภฏฺฐายิโน. จิรํ ทีฆมทฺธานนฺติ อุกฺกํเสน อฏฺฐ กปฺเป.