ตโต ชีวกสฺส เอตทโหสิ "อยํ ราชา มํ กุลุปกสมณสฺส คุณํ กถาเปติ, นทานิ เม ตุณฺหีภาวสฺส กาโล, ยถา โข ปนิเม ราชานํ วนฺทิตฺวา นิสินาว อตฺตโน กุลุปกสมณานํ คุเณ กถยึสุ, น มยฺหํ เอวํ สตฺถุ คุเณ กเถตุํ ยุตฺตนฺ"ติ อุฏฺฐายาสนา ภควโต วิหาราภิมุโข ปญฺจปติฏฺฐิเตน วนฺทิตฺวา ทสนข- สโมธานสมุชฺชลํ อญฺชลึ สิรสิ ปคฺคเหตฺวา "มหาราช มา มํ เอวํ จินฺตยิตฺถ `อยํ

@๔ ฉ.ม. เอว ๕ ก. โส เอส ยํ วา ตํ วา สมณํ อุปสงฺกมตี'ติ ๑- มม สตฺถุโน หิ มาตุกุจฺฉิโอกฺกมเน มาตุกุจฺฉิโต นิกฺขมเน มหาภินิกฺขมเน สมฺโพธิยํ ธมฺมจกฺกปฺปวตฺตเน จ ทสสหสฺสี- โลกธาตุ กมฺปิตฺถ, เอวํ ยมกปาฏิหาริยํ อกาสิ, เอวํ เทโวโรหณํ, อหํ ๒- มยฺหํ ๓- สตฺถุโน คุเณ กถยิสฺสามิ, เอกคฺคจิตฺโต สุณ มหาราชา"ติ วตฺวา "อยํ เทว ภควา อรหํ สมฺมาสมฺพุทฺโธ"ติ อาทิมาห.

ตตฺถ ตํ โข ปนาติ อิตฺถมฺภูตาขฺยานตฺเถ อุปโยควจนํ, ตสฺส โข ปน ภควโตติ อตฺโถ. กลฺยาโณติ กลฺยาณคุณสมนฺนาคโต, เสฏฺโฐติ วุตฺตํ โหติ. กิตฺติสทฺโทติ กิตฺติเยว, ถุติโฆโส วา. อพฺภุคฺคโตติ สเทวกํ โลกํ อชฺโฌตฺถริตฺวา อุคฺคโต, กินฺติ? อิติปิ โส ภควา อรหํ สมฺมาสมฺพุทฺโธ ฯเปฯ ภควาติ.