ตตฺรายํ ปทสมฺพนฺโธ:- โส ภควา อิติปิ อรหํ, อิติปิ สมฺมา- สมฺพุทฺโธ ฯเปฯ อิติปิ ภควาติ, อิมินา จ อิมินา จ การเณนาติ วุตฺตํ โหติ. ตตฺถ อารกตฺตา, อรีนํ, อารานญฺจ หตตฺตา ปจฺจยาทีนญฺจ อรหตฺตา ปาปกรเณ รหาภาวาติ อิเมหิ ตาว การเณหิ โส ภควา อรหนฺติ เวทิตพฺโพติ อาทินา นเยน มาติกํ นิกฺขิปิตฺวา สพฺพาเนว เจตานิ ปทานิ วิสุทฺธิมคฺเค ๔- พุทฺธานุสฺสติ- นิทฺเทเส วิตฺถาริตานีติ. ตโต เนสํ วิตฺถาโร คเหตพฺโพ.
ชีวโก ปน เอกเมกสฺส ปทสฺส อตฺถํ นิฏฺฐาเปตฺวา "เอวํ มหาราช อรหํ มยฺหํ สตฺถา, เอวํ สมมาสมฺพุทฺโธ ฯเปฯ เอวํ ภควา"ติ วตฺวา "ตํ เทโว ภควนฺตํ ปยิรุปาสตุ, อปฺเปว นาม เทวสฺส ภควนฺตํ ปยิรุปาสโต จิตฺตํ ปสีเทยฺยา"ติ อาห. เอตฺถ จ ตํ เทโว ปยิรุปาสตูติ วทนฺโต "มหาราช ตุมฺหาทิสานํ หิ สเตนปิ สหสฺเสนปิ สตสหสฺเสนปิ ปุฏฺฐสฺส มยฺหํ สตฺถุโน สพฺเพสํ จิตฺตํ คเหตฺวา กเถตุํ ถาโม จ พลํ อตฺถิ, วิสฺสฏฺโฐ ๕- อุปสงฺกมิตฺวา ปุจฺเฉยฺยาสิ มหาราชา"ติ อาห.
[๑๕๘] รญฺโญปิ ภควโต คุณกถํ สุณนฺตสฺส สกลสรีรํ ปญฺจวณฺณาย ปีติยา นิรนฺตรํ ผุฏฺฐํ อโหสิ. โส ตํ ขณญฺเญว คนฺตุกาโม หุตฺวา "อิมาย โข