@๓ ก. ปฏิเอกา, สี. ปาฏิเอกฺกา ๔ ฉ.ม. มหญฺจ....

@๕ ฉ.ม. ลิงฺควิปริยาโส ๖ สี. สตสหสฺสคฺฆนิกานิ

@๗ ก. กาญฺจนมาลา.... พฺราหฺมณา ทกฺขิณหตฺถํ อุสฺสาเปตฺวา ชยสทฺทํ โฆเสนฺตา ๑- คจฺฉนฺติ, เตสํ ปริยนฺเต ปญฺจงฺคิกานิ ตุริยานิ. ๒- เตสํ ปริยนฺเต ธนุปนฺตี ปริกฺเขโป, ตสฺส ปริยนฺเต หตฺถิฆฏา, หตฺถีนํ ปริยนฺเต คีวาย คีวํ ปหรมานา อสฺสปนฺตี, อสฺสปริยนฺเต อญฺญมญฺญํ สํฆฏฺฏนรถา, รถปริยนฺเต พาหาย พาหํ ปหรมานา โยธา, เตสํ ปริยนฺเต อตฺตโน อตฺตโน อนุรูปาย อาภรณสมฺปตฺติยา วิโรจมานา อฏฺฐารส เสนิโย. ๓- อิติ ยถาปริยนฺเต ฐตฺวา ขิตฺโต สโร ราชานํ น ปาปุณาติ, เอวํ ชีวโก โกมารภจฺโจ รญฺโญ ปริสํ สํวิทหิตฺวา อตฺตนา รญฺโญ อวิทูเรน คจฺฉติ "สเจ โกจิ อุปทฺทโว โหติ, สพฺพปฐมํ ๔- รญฺโญ ชีวิตทานํ ทสฺสามี"ติ. อุกฺกานํ ปน เอตฺตกานิ สตานิ วา สหสฺสานิ วาติ ปริจฺเฉโท นตฺถีติ. เอวรูปํ ๕- ราชิทฺธึ สนฺธาย วุตฺตํ "มหจฺจราชานุภาเวน, ๖- เยน ชีวกสฺส โกมารภจฺจสฺส อมฺพวนํ, เตน ปายาสี"ติ.