"กหํ ปน สมฺมา"ติ กสฺมา ปุจฺฉติ. เอเก ตาว "อชานนฺโต"ติ วทนฺติ. อิมินา กิร ทหรกาเล ปิตรา สทฺธึ อาคมฺม ภควา ทิฏฺฐปุพฺโพ, ปจฺฉา ปน ปาปมิตฺตสํสคฺเคน ปิตุฆาตํ กตฺวา อภิมาเร เปเสตฺวา ธนปาลํ มุญฺจาเปตฺวา ๕- มหาปราโธ หุตฺวา ภควโต สมฺมุขีภาวํ น อุปคตปุพฺโพติ อสญฺชานนฺโต ปุจฺฉตีติ. ตํ อการณํ. ภควา หิ อากิณฺณวรลกฺขโณ อนุพฺยญฺชน- ปฏิมณฺฑิโต ฉพฺพณฺณรสฺมีหิ สกลํ อารามํ โอภาเสตฺวา ตาราคณปริวุโต วิย ปุณฺณจนฺโท ภิกฺขุคณปริวุโต มณฺฑลมาฬมชฺเฌ นิสินฺโน, ตํ โก น ชาเนยฺย. อยํ ปน อตฺตโน อิสฺสริยลีฬาย ๖- ปุจฺฉติ. ปกติเหสา ราชกุลานํ, ยํ ชานนฺตาปิ อชานนฺตา วิย ๗- ปุจฺฉนฺติ. ชีวโก ปน ตํ สุตฺวา "อยํ ราชา ปฐวิยํ ฐตฺวา `กุหึ ปฐวีติ, นภํ โอโลเกตฺวา `กุหึ จนฺทิมสุริยาติ, สิเนรุมูเล ฐตฺวา `กุหึ สิเนรู"ติ วทมาโน วิย ทสพลสฺส ปุรโตว ฐตฺวา "กุหึ ภควา"ติ ปุจฺฉติ. "หนฺทสฺส

@๕ ม. ปมุญฺจาเปตฺวา ๖ สี., อิ. อิสฺสริยลีฬฺหาย ๗ ก. ชานนฺตาปิ อชานนฺตาปิ,

@สี. ชาเนนฺตาปิ อชานนฺตา วิย, อิ. สญฺชานนฺตาปิ อชานนฺตา วิย ภควนฺตํ ทสฺเสสฺสามี"ติ จินฺเตตฺวา ๑- เยน ภควา เตนญฺชลึ ปณาเมตฺวา "เอโส มหาราชา"ติอาทิมาห. ปุรกฺขโตติ ปริวาเรตฺวา นิสินฺนสฺส ปุรโต นิสินฺโน.