@๕-๕ ฉ.ม. เอวํ สนฺทิฏฺฐิกํ ๖ ฉ.ม.,อิ. อาหริตฺวา

@๗ ฉ.ม.,อิ....หตฺถิเมณฺฑาทโย ๘ ฉ.ม., อิ.... อสฺสเมณฺฑาทโย

@๙ ม. อุปนยนฺติ, ฉ.ม. ทยนฺติ ๑๐ ก. ปวิสนฺติ ๑๑ ก. เตสํ เจตํ "อสุกสฺสา"ติ วุตฺตา สงฺคามํ ปกฺขนฺทิตฺวา ตเทวาหรนฺติ, อิเม ปกฺขนฺทนฺตีติ ปกฺขนฺทิโน. มหานาคาติ มหานาคา วิย มหานาคา, หตฺถิอาทีสุปิ อภิมุขํ อาคจฺฉนฺเตสุ อนิวตฺติตโยธานํ เอตํ อธิวจนํ. สูราติ เอกนฺตสูรา, เย สชาลิกาปิ สจมฺมิกาปิ สมุทฺทํ ตริตุํ สกฺโกนฺติ. จมฺมโยธิโนติ เย จมฺมกญฺจุกํ วา ปวิสิตฺวา สรปริตตาณจมฺมํ วา คเหตฺวา ยุชฺฌนฺติ. ทาสิกปุตฺตาติ ๑- พลวสิเนหา ฆรทาสิกปุตฺตา. ๒- อาฬาริกาติ ปูวิกา. ๓- กปฺปกาติ นฺหาปิตา. ๔- นฺหาปกาติ เย นฺหาเปนฺติ. สูทาติ ภตฺตการกา. มาลาการาทโย ปากฏาเยว. คณกาติ อจฺฉิทฺทกปาฐกา. ๕- มุทฺทิกาติ หตฺถมุทฺทาย คณนํ นิสฺสาย ชีวิโน. ยานิ วาปนญฺญานิปีติ อยการทนฺตการจิตฺตการาทีนิ. เอวํ คตานีติ เอวํ ปวตฺตานิ. เต ทิฏเฐว ธมฺเมติ เต หตฺถาโรหาทโย ตานิ ปุถุสิปฺปายตนานิ ทสฺเสตฺวา ราชกุลโต มหาสมฺปตฺตึ ลภมานา สนฺทิฏฺฐิกเมว สิปฺปผลํ อุปชีวนฺติ. สุเขนฺตีติ สุขิตํ กโรนฺติ. ปิเณนฺตีติ ปิณิตํ ๖- ถามพลูเปต กโรนฺติ. อุทฺธคฺคิกาทีสุ อุปริผลนิพฺพตฺตนโต อุทฺธํ อคฺคมสฺสา อตฺถีติ อุทฺธคฺคีกา. สคฺคํ อรหตีติ โสวคฺคิกา. สุโข วิปาโก อสฺสาติ สุขวิปากา. สุฏฺฐุ อคฺเค รูปสทฺทคนฺธรสโผฏฺฐพฺพอายุวณฺณสุขยสอธิปเตยฺยสงฺขาเต ทส ธมฺเม สํวตฺเตติ นิพฺพตฺเตตีติ สคฺคสํวตฺตนิกา, ตํ เอวรูปํ ทกฺขิณํ ทานํ ปติฏฺฐเปนฺตีติ อตฺโถ. สามญฺญผลนฺติ เอตฺถ ปรมตฺถโต มคฺโค สามญฺญํ, อริยผลํ สามญฺญผลํ. ยถาห:- "กตมญฺจ ภิกฺขเว สามญฺญํ? อยเมว อริโย อฏฺฐงฺคิโก มคฺโค. เสยฺยถีทํ? สมฺมาทิฏฺฐิ ฯเปฯ สมฺมาสมาธิ. อิทํ วุจฺจติ ภิกฺขเว สามญฺญํ. กตมานิ จ ๗- ภิกฺขเว สามญฺยผลานิ? ๗- โสตาปตฺติผลํ ฯเปฯ อรหตฺตผลนฺ"ติ. ๘- ตํ เอส ราชา น ชานาติ. อุปริ อาคตํ ปน ทาสกสฺสโกปมํ สนฺธาย ปุจฺฉติ.

อถ ภควา ปญฺหํ อวิสฺสชฺเชตฺวาว จินฺเตสิ "อิเม พหู อญฺญติตฺถิยสาวกา ราชามจฺจา อิธาคตา, เต กณฺหปกฺขญฺจ สุกฺกปกฺขญฺจ หีเปตฺวา กถิยมาเน `อมฺหากํ ราชา มหนฺเตน อุสฺสาเหน อิธาคโต, ตสฺสาคตกาลโต ปฏฺฐาย สมโณ โคตโม สมณโกลาหลํ สมณภณฺฑนเมว กเถตี'ติ อุชฺฌายิสฺสนฺติ, น สกฺกจฺจํ