@๗ ฉ.ม., อิ. อยํ ปาโฐ น ทิสฺสติ. ๘ สํ. ส. ๑๕/๒๑๔/๒๒๙ สาริปุตฺตสุตฺต

เอวํ วุตฺเต อุสฺสาหชาโต หุตฺวา "เอวํ ภนฺเต"ติ โข ราชา มาคโธ อชาตสตฺตุ เวเทหีปุตฺโต ภควโต ปจฺจสฺโสสิ ภควโต วจนํ สมฺปฏิจฺฉิ, ปฏิคฺคเหสีติ วุตฺตํ โหติ.

[๑๙๐] อถสฺส ภควา เอตทโวจ เอตํ อโวจ, อิทานิ วตฺตพฺพํ "อิธ มหาราชา"ติ อาทึ สกลํ สุตฺตํ อโวจาติ อตฺโถ. ตตฺถ อิธาติ เทสาปเทเส ๑- นิปาโต, สฺวายํ กตฺถจิ โลกํ อุปาทาย วุจฺจติ. ยถาห "อิธ ตถาคโต โลเก อุปฺปชฺชตี"ติ. ๒- กตฺถจิ สาสนํ. ยถาห "อิเธว ภิกฺขเว ปฐโม สมโณ, อิธ ทุติโย สมโณ"ติ. ๓- กตฺถจิ โอกาสํ. ยถาห

"อิเธว ติฏฺฐมานสฺส, เทวภูตสฺส เม สโต.