@๓ ม., อิ. สพฺพานํ หตฺถปาทานํ. ๔ ฉ.ม., อิ. สมิญฺเชตฺวา.

@๕ ฉ.ม., อิ. ผาตึ. ๖ ฉ.ม. สมิญฺเชตฺวา ปฏฺฐายาหํ อาวุโส กมฺมฏฺฐานํ มนสิกาตุํ อารทฺโธ, น เม กมฺมฏฺฐานํ มุญฺจิตฺวา อตฺโถ สมฺมิญฺชิตปุพฺโพ, อิทานิ ปน เม ตุเมฺหหิ สทฺธึ กถยมาเนน กมฺมฏฺฐานํ มุญฺจิตฺวา สมฺมิญฺชิโต. ตสฺมา ปุน ยถาฏฺฐาเน ฐเปตฺวา สมฺมิญฺเชสินฺติ. สาธุ ภนฺเต ภิกฺขุนา นาม เอวรูเปน ภวิตพฺพนฺติ. เอวเมตฺถาปิ กมฺมฏฺฐานาวิชหนเมว โคจรสมฺปชญฺญนฺติ เวทิตพฺพํ.

อพฺภนฺตเร อตฺตา นาม โกจิ สมฺมิญฺชิโต วา ปสาริโต วา นตฺถิ, วุตฺตปฺปการจิตฺตกิริยาวาโยธาตุวิปฺผาเรน ปน สุตฺตากฑฺฒนวเสน ทารุยนฺตสฺส หตฺถปาทจลนํ ๑- วิย สมฺมิญฺชนปสารณํ โหตีติ เอวํ ปริชานนํ ปเนตฺถ อสมฺโมหสมฺปชญฺญนฺติ เวทิตพฺพํ.