อิทานิ ตมตฺถํ อุปมาย สาเธนฺโต "เสยฺยถาปี"ติ อาทิมาห. ตตฺถ ปกฺขี สกุโณติ ปกฺขยุตฺโต สกุโณ. เฑตีติ อุปฺปตติ. อยํ ปเนตฺถ สงฺเขปตฺโถ:- สกุณา นาม "อสุกสฺมึ ปเทเส รุกฺโข ปริปกฺกผโล"ติ ญตฺวา นานาทิสาหิ อาคนฺตฺวา นขปตฺตตุณฺฑาทีหิ ๗- ตสฺส ผลานิ วิชฺฌนฺตา วิตุทนฺตา ๘- ขาทนฺติ. "อิทํ อชฺชตนาย, อิทํ สฺวาตนาย ภวิสฺสตี"ติ เตสํ น โหติ. ผเล ปน ขีเณ
@๔ อิ. สสงฺโค ๕ ฉ.ม. มทหตฺถี. ๖ ขุ.สุ. ๒๕/๔๒/๓๔๓ ขคฺควิสาณสุตฺต ๗ สี.
@นขปกฺขตุณฺฑาทีหิ. ม. นขมุขตุณฺฑาทีหิ ๘ ฉ.ม.,สี. วิธุนนฺตา, อิ. วิธูนนฺตา เนว รุกฺขสฺส อารกฺขํ ฐเปนฺติ, น ตตฺถ ปตฺตํ วา นขํ วา ตุณฺฑํ วา ฐเปนฺติ, อถโข ตสฺมึ รุกฺเข อนเปกฺขา หุตฺวา, โย ยํ ยํ ๑- ทิสาภาคํ อิจฺฉติ, โส เตน เตน ๑- สปตฺตภาโรว อุปฺปติตฺวา คจฺฉติ, เอวเมว อยํ ภิกฺขุ นิสฺสงฺโค นิรเปกฺโข เยนกามํ ปกฺกมติ ๒- เตน วุตฺตํ "สมาทาเยว ปกฺกมี"ติ.