สตฺตุสฺสทนฺติ สตฺเตหิ อุสฺสทํ อุสฺสนฺนํ พหุชนํ อากิณฺณมนุสฺสํ, โปสาวนิยหตฺถิอสฺสโมรมิคาทิอเนกสตฺตสมากิณฺณํ จาติ อตฺโถ. ยสฺมา ปเนตํ นครํ พหิ อาวิชฺฌิตฺวา ชาเตน หตฺถิอสฺสาทีนํ ฆาสติเณน เจว เคหจฺฉาทนติเณน จ สมฺปนฺนํ. ตถา ทารุกฏฺเฐหิ เจว เคหสมฺภารกฏฺเฐหิ จ. ยสฺมา จสฺสพฺภนฺตเร

@๔ อิ. สตฺตวสฺสิกกาลโต ๕ ก. วสติ ๖ ปาณินิ ๑,๔-๔๘ สุตฺตํ ปสฺสิตพฺพํ

วฏฺฏจตุรสฺสาทิสณฺฐานา พหู โปกฺขรณิโย, ชลชกุสุมวิจิตฺตานิ จ พหูนิ อเนกานิ ตฬากานิ อุทกสฺส นิจฺจภริตาเนว โหนฺติ, ตสฺมา "สติณกฏฺโฐทกนฺ"ติ วุตฺตํ. สห ธญฺเญนาติ สธญฺญํ, ปุพฺพนฺนาปรนฺนาทิเภทํ พหุธญฺญสนฺนิจยนฺติ อตฺโถ. เอตฺตาวตา ยสฺมึ นคเร พฺราหฺมโณเสตจฺฉตฺตํ อุสฺสาเปตฺวา ราชลีฬาย ๑- วสติ, ตสฺส สมิทฺธิสมฺปตฺติ ทีปิตา โหติ.