เอวํ วุตฺเต มาณโว "อยํ สมโณ โคตโม อตฺตโน ญาตเก ลฏุกิกาสทิเส กตฺวา อเมฺห หํสโกญฺจโมรสเม ๓- กโรติ, นิมฺมาโนทานิ ชาโต"ติ มญฺญมาโน อุตฺตรึ จตฺตาโร วณฺเณ ทสฺเสติ.

ทาสีปุตฺตวาทวณฺณนา

[๒๖๗] นิมฺมาเทตีติ นิมฺมเทติ นิมฺมาเน กโรติ. ยนฺนูนาหนฺติ ยทิ ปนาหํ. "กณฺหายโนหมสฺมิ โภ โคตมา"ติ อิทํ กิร วจนํ อมฺพฏฺโฐ ติกฺขตฺตุํ มหาสทฺเทน อโวจ. กสฺมา อโวจ? กึ อสุทฺธภาวํ น ชานาตีติ? อาม ชานาติ.