เอวํ สกฺยวํสํ ปกาเสตฺวา อิทานิ อมฺพฏฺฐวํสํ ปกาเสนฺโต "รญฺโญ โข ปนา"ติ อาทิมาห. กณฺหํ นาม ชเนสีติ กาฬวณฺณํ อนฺโตกุจฺฉิยํเยว สญฺชาตทนฺตํ ปรูฬฺหเกสมสฺสุทาฐิกํ ๔- ปุตฺตํ วิชายิ. ปพฺยาหาสีติ ๕- "ยกฺโข ชาโต, ปิสาโจ ชาโต"ติ ภเยน ปลายิตฺวา ทฺวารํ ปิธาย ฐิเตสุ ฆรมานุสเกสุ อิโต จิโตจ วิจรนฺโต "โธวถ มนฺ"ติ อาทีนิ วทนฺโต อุจฺจาสทฺทมกาสิ.
[๒๖๘] เต มาณวกา ภควนฺตํ เอตทโวจุนฺติ อตฺตโน อุปารมฺภโมจนตฺถาย เอตํ "มา ภวนฺ"ติอาทิวจนํ อโวจุํ. เตสํ กิร เอตทโหสิ "อมฺพฏฺโฐ
@๔ ฉ.ม., อิ. ปรุฬฺหมสฺสุทาฐิกํ ๕ อิ. ปจฺจาภาสีติ อมฺหากํ อาจริยสฺส เชฏฺฐนฺตวาสี, สเจ มยํ เอวรูเป ฐาเน เอกเทฺววจนมตฺตมฺปิ น วกฺขาม, อยํ โน อาจริยสฺส สนฺติเก อเมฺห ปริภินฺทิสฺสตี"ติ อุปารมฺภโมจนตฺถํ เอวํ อโวจุํ, จิตฺเตน ปนสฺส นิมฺมทภาวํ อากงฺขนฺติ. อยํ กิร มานนิสฺสิตตฺตา เตสํปิ อปฺปิโยว. กลฺยาณวากฺกรโณติ มธุรวจโน. อสฺมึ วจเนติ อตฺตนา อุคฺคหิเต เวทตฺตยวจเน. ปฏิมนฺเตตุนฺติ ปุจฺฉิตํ ปญฺหํ ปฏิกเถตุํ, วิสฺสชฺเชตุนฺติ อตฺโถ. เอตสฺมึ วา ทาสีปุตฺตวจเน. ปฏิมนฺเตตุนฺติ อุตฺตรึ ๑- กเถตุํ.