น สกฺกา ปุญฺญํ สงฺขาตุํ, อิเมตฺตมปิ เกนจี"ติ. ๑-

คาถาปริโยสาเน จตุราสีติปาณสหสฺสานิ อมตํ ปิวึสุ.

อปรํปิ วตฺถุ:- ราหุ กิร อสุรินฺโท จตฺตาริ โยชนสหสฺสานิ, อฏฺฐ จ โยชนสตานิ อุจฺโจ. พาหนฺตรมสฺส ทฺวาทส โยชนสตานิ. พหลนฺตเรน ฉ โยชนสตานิ. หตฺถตลปาทตลานํ ปุถุลโต ตีณิ โยชนสตานิ. องฺคุลิปพฺพานิ ปณฺณาสโยชนานิ. ภมุกนฺตรํ ปญฺญาสโยชนํ. มุขํ ทฺวิโยชนสตํ ติโยชนสตคมฺภีรํ ติโยชนสตปริมณฺฑลํ. คีวา ติโยชนสตํ. นลาฏํ ติโยชนสตํ. สีสํ นวโยชนสตํ. โส "อหํ อุจฺโจสฺมิ สตฺถารํ โอนมิตฺวา โอโลเกตุํ น สกฺขิสฺสามี"ติ จินฺเตตฺวา นาคจฺฉิ. ๒- โส เอกทิวสํ ภควโต วณฺณํ สุตฺวา "ยถา กถํ จ โอโลเกสฺสามี"ติ อาคโต.

อถ ภควา ตสฺส อชฺฌาสยํ วิทิตฺวา "จตูสุ อริยาปเถสุ กตเรน ทสฺเสสฺสามี"ติ จินฺเตตฺวา "ฐิตโก นาม นีโจปิ อุจฺโจ วิย ปญฺญายติ, นิปนฺโน ปนสฺส ๓- อตฺตานํ ทสฺเสสฺสามึ"ติ "อานนฺท คนฺธกุฏิปริเวเณ มญฺจกํ ปญฺญาเปหี"ติ วตฺวา ตตฺถ สีหเสยฺยํ กปฺเปสิ. ราหุ อาคนฺตฺวา นิปนฺนํ ภควนฺตํ คีวํ อุนฺนาเมตฺวา นภมชฺเฌ ปุณฺณจนฺทํ วิย อุลฺโลเกสิ. "กิมิทํ อสุรินฺทา"ติ จ วุตฺเต