@๘ ม.มู. ๑๒/๓๓๓, ๓๓๙ มหาโคสิงฺคสุตฺต. องฺ. จตุกฺก. ๒๑/๒๒ ทุติยอุรุเวลสุตฺต

@๙ ก.เม สุตํ โสตทฺวารานุสาเรน ๑๐ ฉ.ม. อนูนาธิการวิปรีตคฺคหณนิทสฺสนํ

ตถา เอวนฺติ ยสฺส จิตฺตสนฺตานสฺส นานาการปฺปวตฺติยา นานตฺถ- พฺยญฺชนคฺคหณํ โหติ, ตสฺส นานาการนิทฺเทโส. เอวนฺติ หิ อยมาการปญฺญตฺติ. เมติ กตฺตุนิทฺเทโส. สุตนฺติ วิสยนิทฺเทโส. เอตฺตาวตา นานาการปฺปวตฺเตน จิตฺตสนฺตาเนน ตํสมงฺคิโน กตฺตุ วิสยคฺคหณสนฺนิฏฺฐานํ ๑- กตํ โหติ.

อถวา เอวนฺติ ปุคฺคลกิจฺจนิทฺเทโส. สุตนฺติ วิญฺญาณกิจฺจนิทฺเทโส. เมติ อุภยกิจฺจยุตฺตปุคฺคลนิทฺเทโส. อยํ ปเนตฺถ สงฺเขโป "มยา สวนกิจฺจวิญฺญาณสมงฺคินา ปุคฺคเลน วิญฺญาณวเสน ลทฺธสวนกิจฺจโวหาเรน สุตนฺ"ติ.