Evaṃ dutiyena nayena ādīnavaṃ dassetvā tatiyena nayena vacanatthasallakkhaṇamattepi asamatthataṃ dassento "apinu tumhe paresan"ti ādimāha. Tattha paresanti yesaṃ kesañci. Kupito hi neva buddhapaccekabuddhaariyasāvakānaṃ na mātāpitūnaṃ na paccatthikānaṃ subhāsitadubbhāsitassa atthaṃ ājānāti. Yathāha:-

"kuddho atthaṃ na jānāti, kuddho dhammaṃ na passati,

andhatamaṃ tadā hoti yaṃ kodho sahate naraṃ.